Sluttspel 6.div: Selje-Tempo, Eid Idrettspark SØNDAG 12.10 kl.17.00
Postet av Selje IL - Fotball den 30. Sep 2025
AVLYST KAMP 04.10 PGA. VÆRFORHOLD OG KANSELLERTE FERJER. FOTBALLKRETSEN HAR BESTEMT AT SLUTTSPELET DÅ VERT EIN KAMP PÅ NØYTRAL BANE.
EID IDRETTSPARK SØNDAG 12.10 KL.17.00.
KOM PÅ KAMP OG STØTT LAGET VÅRT!
Velkommen på sluttspel-kamp 6.div. lørdag 04.10 kl.15.00, Selje-Tempo.
Selje IL støttar RosaSløyfe og har vedteke å gje alle billettinntekter på kampen til RosaSløyfe-aksjonen.
Vel møtt! Kom og støtt laget vårt!
Lagbilde etter seier 6-2 mot Stryn2 16.09,og avdelingsmesterskap var sikra (foto: haugenfotball)
Følgjande klubbar er kvalifisert å delta i sluttspel 6.div:
• Selje IL
• Tempo FK
• Sogndal 3
• Dale 2
KAMPOPPSETT:
Kamp 1: Selje IL -Tempo FK – laurdag 4 okt kl 15.00. AVLYST / UTGÅR
Kamp 2: Dale 2 – Sogndal 3 – søndag 05 okt kl 14.00
Kamp 3: Selje IL – Tempo FK søndag 12 okt kl 17.00, Eid Idrettspark
Kamp 4: Sogndal 3 - Dale 2 – søndag 12 okt kl 14.00
Kamp 5: Finalekamp 1 – Søndag 19 okt kl 14.00
Kamp 6: Finalekamp 2 – Laurdag 25 okt kl 14.00
(Trekning om kven som spelar heime først)
Begge finalelaga rykkjer opp til 5 divisjon
Samanlagtvinnar blir kretsmeister
6.div. menn: Selje-Eid2, tys. 19.08 kl.19.00
Postet av Selje IL - Fotball den 18. Aug 2025
Velkommen til oppstart haustssesong med heimekamp mot Eid2 tysdag 19.08 kl.19.00.
3.div. kvinner: Selje/Åheim-Sandane man.16.06 kl.19.00
Postet av Selje IL - Fotball den 8. Mai 2025
Velkommen til heimekamp 3.div. kvinner mandag 16.06 kl.19.00:
Selje/Åheim - Sandane
Gåvemidlar til flomlysanlegg
Postet av Selje IL - Fotball den 22. Jan 2025
Mandag kveld arrangerte Vestland Idrettskrets og Sparebankstiftinga Sogn og Fjordane gåveutdeling i høve prosjekt "Straumsmarte idrettsanlegg". Samlinga var på Sandane der mottakarar av midlar deltok.
Selje IL takkar Vestland Idrettskrets / Sparebankstiftinga Sogn og Fjordane for gåvesjekk på 154.900 til nytt flomlysanlegg på stadion. (foto: Stig Roger Eide)
Anlegget vart bygd i 2003 i samband med etablering av kunstgrasbane: 6 lysmaster med 5 lyskastarar a 1000W. Det har vore mange rundar opp gjennom åra med utskifting av lyspærer og vedlikehald av anlegget. Høgt straumforbruk, dårleg lyskvalitet og eit utslitt anlegg gjorde at tida var komt for rehabilitering. Selje IL fekk utarbeida tilstandsrapport frå el.firma hausten 2023. Konklusjonen var at lysanlegget må skiftast ut. Selje IL gjorde så vedtak om rehabilitering lysanlegg og sende inn spelemiddelsøknad.
Selje IL søkte så støtte til tiltaket frå prosjekt «Straumsmarte idrettsanlegg». Når søknaden vart innvilga er det ei svært god hjelp for å finansiere anlegget. I tillegg vil det etter kvart komme spelemidlar og mva.refusjon.
Led-lys armaturar og lysstyring er kjøpt inn. Avtale om montering er inngått med Sætren Installasjon AS. Arbeidet blir etter planen utført i løpet av eit par veker.
Vi gledar oss til nytt lysanlegg på Selje Idrettspark.
SPORTSPLAN 2025-2026 Selje IL-fotball
Postet av Selje IL - Fotball den 16. Nov 2024
Selje IL-fotball har i samband med kvalitetsklubb-prosjektet utarbeida ein ny Sportsplan for 2025-2026.
Sportsplanen skal vere retningsgjevande og forpliktande for alle som deltek i klubben sitt arbeid. Sportsplanen er ei vidareutvikling av klubben sin tidlegare plan. Sportsplanen er utarbeida med bakgrunn i NFF sine retningslinjer, og skal tilfredsstille krava som stillast for Kvalitetsklubb nivå 1.
Sportsplanen skal vere tilgjengeleg på klubben si nettside. Den skal vere eit levande dokument som vert nytta av alle i klubben. Vi ynskjer deg lukke til i arbeidet, og takkar for jobben du gjer for Selje IL.
Trykk på linken under for å komme til Sportsplanen....
SPORTSPLAN Selje IL-fotball, pr. nov-24.pdf
