10.06: 4.div. Sandane-Selje 2-0

I toppkampen i 4.divisjon i dag tapte Selje 2-0 på bortebane mot Sandane, etter 1-0 ved pause.

Det var ein fartsfull og god 1.omgang av begge laga. Seljetrenar Idar Taklo seier at Selje like godt kunne leia til pause som Sandane. Selje hadde fem store sjansar i fyrste omgang, men det vart med den eine scoringa til Sandane etter 3min.

2.omgang vart langt dårlegare frå Selje si side, og Sandane var best i denne omgangen. Mot slutten kunne det blitt ny spenning etter ein kjempesjanse til Selje 10 min før slutt. Men marginane var ikkje med Selje i dag og kampen enda med 2-0 tap.

Vi lukkast ikkje heilt i dag, seier Idar Taklo. Men alle ære til Sandane for ein godt gjennomført kamp. Seljetrenaren framhevar keeper Tom-Øyvind Solheim som sitt lags beste i dagens kamp med fleire gode redningar.

Seljes lag: Tom-Øyvind Solheim, Gaute Otnes, Frode Nøstdal, Espen Nøstdal, Kristoffer Hove, Ole Andreas Solheim, Kennet Honningsvåg, Runar Aarsheim, Jon-Aage Riksfjord, Werner Kupen, Endre Kupen.

Innbyttarar: Roger Hamre, Atle Riksfjord, Martin Hove, Henrik Aarsheim

3min    1-0     Vidar Apelseth

62min   2-0    Vidar Apelseth

Gule kort: Kristoffer Hove

Bilder og kampreferat: www.haugenfotball.no