01.02: Kampoppsett KM-innandørs

Sogndal, 31.02.2011

Til klubbane:

SPAREBANKEN SOGN OG FJORDANE KM-ALDERSBESTEMT INNANDØRS

KM-kvalifisering for aldersfastlagde klassar 5. – 6. februar 2011

SFFK takkar for påmeldinga og ønskjer hjarteleg velkommen til KM-kvalifisering for aldersfastlagde klassar, på følgande plassar:

PåHermansverk (Syril IL), i Vik (Vik IL), i Dale (Dale IL), i Askvoll (Askvoll/Holmedal IL) og i Nordfjordhallen (Skavøypoll IL).

Det er også i år mange lag påmeldt, med det nest høgsta antal lag påmeldt nokonsinne (200 lag i 2009) - med 186 lag påmeldt i årets KM-aldersbestemt innandørs. Det inneber eit tett kampprogram i dei hallane som har ei bane.

I samband med ulik påmelding til dei ulike klassane frå dei ulike regionane, blir det for klasse småjenter 13/14 ikkje kvalifisering i Askvoll. Laga påmeldt frå Sunnfjord i klasse småjenter 13/14, spelar i Dale.

I samband med KM-kvalifiseringa vil det ferdast rundt 2000 personar på vegane i fylket. Derfor ber vi dykk som leiar og ansvarleg om å informere om trygg trafikk – med fokus på bruk av bilbelte, samt å bruke god tid og køyre varsamt.

Laga er delt inn ca. etter geografisk nærleik til arrangør. Ikkje alle lag får spele på plassen som ligg nærast geografisk. Dette fordi puljeoppsettet må lagast slik at laga får om lag like mange kampar, og at hallane blir nokolunde likt belasta. Merk at kampane i Nordfjordhallen kunstgras, medan det er handballdekke i dei andre hallane.

Sluttspelet blir arrangert i Florø Idrettssenter 5. og 6. mars. Teknisk arrangør: Tempo FK.

NB: Det er viktig at klubben informerer alle laga som er påmeldt om kampoppsettet. Kampoppsettet ligg også på nettsida for KM-aldersbestemt innandørs, på følgande side:

http://kxweb.no/portal/public/tournament/main.do

For KM-kvalifiseringa ellers gjeld følgjande:

ALLE KLUBBAR SOM STILLER MED FLEIRE LAG I SAME KLASSE, SKAL RANGERE LAG 1 SOM DET BESTE LAGET, LAG 2 SOM DET NEST BESTE LAGET…OSV. BROT PÅ DETTE ER EIT KLART BROT PÅ FAIR PLAY.

Kamptid: 1 x 13 minutt.

MØT PRESIS: Alle lag må vere klare rett etter forrige kamp. Lag som kjem meir enn 3 minutt for seint, får resultatet 0-3 og tapar kampen.

Ver merksam at på slutten av dagen kan det vere at kampane startar før oppsett tid på grunn av trekte lag, og mindre pausar mellom kampane. Møt opp i god tid.