16.01: Dugnad på uteområdet

Ein arbeidsgjeng frå Selje IL hadde dugnad sist laurdag. På ballbingen vart øydelagde fjøler bytta ut, og det er sett på forsterking på kortveggane mellom staga. Det er også sveisa på forsterking ned i plata som måla står på.

Det var også leigd inn lift for å ordne lysa som vinden har snudd. Så no er to av lysmastene ordna og sveisa fast, slik at flomlyset igjen peikar inn på grusbana.

I løpet av 2-3 veker vil det bli ny dugnad og leigd inn gravemaskin. Då er håpet at "innsjøen" ved 6-årsbasen vert borte for godt, når det no blir laga til kum som skal ta unna overflatevatnet.

Driftsstyret for Selje Idrettspark har ei lang liste med dugnadsoppgåver, som ein håpar å få gjort noko med i løpet av vinteren/våren.